​ಇದು ಇಂದಿನ ಟಾಪ್ 10 ಸುದ್ದಿಗಳು: ರಾಜ್ಯದಲ್ಲಿ ನೆತ್ತರ ಬರಹದ್ದೇ ಹವಾ….​

ರಾಷ್ಟ್ರಮಟ್ಟದ ನಾಯಕರಾದ ಯೋಗಿ ಆದಿತ್ಯನಾಥ್, ರಾಜನಾಥ್ ಸಿಂಗ್, ಪ್ರಿಯಾಂಕಾ ಗಾಂಧಿ ಅವರು ರಾಜ್ಯದಲ್ಲಿ ಕಾಣಿಸಿಕೊಳ್ಳುವುದರೊಂದಿಗೆ ಇದೀಗ ಅಖಾಡ ಮತ್ತಷ್ಟು ರೋಚಕವಾಗಿದೆ. ಬುಧವಾರ ಇಡೀ ದಿನ ರಕ್ತದಲ್ಲಿ ಬರೆದುಕೊಡುವೆ ಎಂಬ ಹೇಳಿಕೆ ಗಮನ ಸೆಳೆಯಿತು. ಜಗದೀಶ್ ಶೆಟ್ಟರ್ ಸೋಲುತ್ತಾರೆ ಎಂದು ರಕ್ತದಲ್ಲಿ ಬರೆದುಕೊಡುವೆ ಎಂದು ಬಿ.ಎಸ್.ಯಡಿಯೂರಪ್ಪ ಅವರು ಹೇಳಿದರೆ, ಡಿ.ಕೆ.ಶಿವಕುಮಾರ್ ಅವರು ಬಿಜೆಪಿ 40 ಸೀಟು ದಾಟುವುದಿಲ್ಲ ಎಂದು ನಾನು ರಕ್ತದಲ್ಲಿ ಬರೆದುಕೊಡುವುದಾಗಿ ಡಿ.ಕೆ.ಶಿವಕುಮಾರ್ ತಿಳಿಸಿದರು. ಇದಕ್ಕೆ ತಿರುಗೇಟು ಎಂಬಂತೆ ಕುಮಾರಸ್ವಾಮಿ ಅವರು ಯಾವ ಮುಖಂಡರೂ ರಕ್ತದಲ್ಲಿ ಬರೆದುಕೊಡುವುದು ಬೇಡ. ಅದರಿಂದ ರಕ್ತದ ಕೊರತೆಯಾಗಬಹುದು ಎಂದು ವ್ಯಂಗ್ಯವಾಡಿದರು. ಏತನ್ಮಧ್ಯೆ ಲಿಂಗಾಯತ ಸಿಎಂ ವಿಚಾರ ಬುಧವಾರ ಕೊಂಚ ತಣ್ಣಗಾದಂತೆ ಭಾಸವಾಯಿತು. ಈ ಬಗ್ಗೆ ಹೆಚ್ಚಿನ ಹೇಳಿಕೆಗಳು ಕಂಡು ಬರಲಿಲ್ಲ. ಆದರೆ ಜನಸಂಖ್ಯೆ ಆಧಾರದ ಮೇಲೆ ಮೀಸಲಾತಿನ್ನು ಶೇ.75ಕ್ಕೇ ಏರಿಸಲಾಗುವುದು ಎಂದು ಸಿದ್ದರಾಮಯ್ಯ ಹೇಳಿದ್ದು ಸುದ್ದಿಯಾಯಿತು. ಇನ್ನು ಮೊಳಕಾಲ್ಮೂರಿನಲ್ಲಿ ಕಿಚ್ಚ ಸುದೀಪ್ ಅವರು ರೋಡ್ ಶೋ ಮಾಡಿದರು.

from Latest Kannada News: ಕನ್ನಡ ವಾರ್ತೆ, India and World News in Kannada, Kannada News Live Today, ಕನ್ನಡದಲ್ಲಿ ಸುದ್ದಿ https://ift.tt/VTnqaIg