ಜೆಡಿಎಸ್‌ನ 'ಪಂಚರತ್ನ'ಕ್ಕೆ ಆರಂಭದಲ್ಲೇ ವಿಘ್ನ: ಸಿದ್ಧವಾಗಿಲ್ಲ ಎಚ್‌ಡಿಕೆ ಪ್ರಯಾಣಿಸುವ ಕ್ಯಾರವಾನ್‌, ಯಾತ್ರೆ ಮಾರ್ಗಗಳಲ್ಲಿ ಪ್ರವಾಹ

Pancharatna Ratha Yatre: 2023ರ ಚುನಾವಣೆ ಜೆಡಿಎಸ್‌ ಪಾಲಿಗೆ ಮಾಡು ಇಲ್ಲವೇ ಮಡಿ ಎಂಬಂತೆ ನಿರ್ಣಾಯಕವಾಗಿದ್ದು, 80ರ ದಶಕದಲ್ಲಿಆಂಧ್ರದಲ್ಲಿ ಎನ್‌ಟಿಆರ್‌ ನಡೆಸಿದಂತೆ ಯಾತ್ರೆ ನಡೆಸಲು ಕುಮಾರಸ್ವಾಮಿ ಸಿದ್ಧತೆ ನಡೆಸಿದ್ದಾರೆ. ಈಗಾಗಲೇ ಸಿದ್ಧವಾಗಿರುವ ರೂಟ್‌ ಮ್ಯಾಪ್‌ನಂತೆ ಹಳೇ ಮೈಸೂರು, ಕರಾವಳಿ, ಬಯಲುಸೀಮೆ ಮತ್ತು ಉತ್ತರ ಕರ್ನಾಟಕದಲ್ಲಿ ಒಟ್ಟು 4 ಹಂತಗಳಲ್ಲಿ 3 ತಿಂಗಳ ಕಾಲ ಯಾತ್ರೆ ನಡೆಯಲಿದೆ. ನಿಗದಿಯಂತೆ ನಡೆದಿದ್ದರೆ ಆ.15ರಂದು ನಾಡದೇವತೆ ಮೈಸೂರು ಚಾಮುಂಡೇಶ್ವರಿಗೆ ಪೂಜೆ ಸಲ್ಲಿಸಿ ಯಾತ್ರೆ ಆರಂಭಿಸಬೇಕಿತ್ತು. ಆದರೆ, ಮಳೆ ಕಾರಣ ವಿಳಂಬ ಮಾಡಲು ನಿರ್ಧರಿಸಲಾಗಿದ್ದು, ಪುತ್ರ ನಿಖಿಲ್‌ ಸಿನಿಮಾವೊಂದರ ಸಿದ್ಧತೆಗಾಗಿ ಕುಮಾರಸ್ವಾಮಿ ಲಂಡನ್‌ಗೆ ತೆರಳಿದ್ದಾರೆ. ವಿದೇಶ ಪ್ರವಾಸದಿಂದ ಮರಳಿದ ಬಳಿಕ ಯಾತ್ರೆ ಆರಂಭದ ದಿನಾಂಕ ಮತ್ತು ರಥಯಾತ್ರೆಯ ಮಾರ್ಗನಕ್ಷೆ ಅಂತಿಮಗೊಳಿಸಲಿದ್ದಾರೆ.

from India & World News in Kannada | VK Polls https://ift.tt/i8tgrQJ