ಹಂದಿಗೋಡು ಕಾಯಿಲೆಗೆ ಸಿಗದ ಪರಿಹಾರ, ಬಂದಗದ್ದೆಯಲ್ಲಿ ಕಪ್ಪು ಬಾವುಟ ಪ್ರದರ್ಶಿಸಿ ಪ್ರತಿಭಟನೆ

ಸಾಗರ ತಾಲೂಕಿನ ಬಂದಗದ್ದೆಯಲ್ಲಿ ಸೋಮವಾರ ಸ್ವಾತಂತ್ರ್ಯ ಅಮೃತ ಮಹೋತ್ಸವ ಆಚರಣೆಯ ಸಂದರ್ಭ 'ನಿಜಾರ್ಥದಲ್ಲಿ ಸ್ವಾತಂತ್ರ್ಯ ಸಿಕ್ಕಿಲ್ಲ' ಎಂದು ಬಿತ್ತಿಪತ್ರ ಪ್ರದರ್ಶಿಸಿ ಕಪ್ಪು ಬಾವುಟ ಹಿಡಿದು ಪ್ರತಿಭಟನೆ ಮಾಡಲಾಗಿದೆ. ದಲಿತ ಮುಖಂಡ, ಹಂದಿಗೋಡು ಕಾಯಿಲೆ ಸಂತ್ರಸ್ತ ಬಂದಗದ್ದೆ ರಾಜೇಂದ್ರ ಸೋಮವಾರ ಬೆಂಬಲಿಗ ಕೂಲಿಕಾರ್ಮಿಕರ ಜತೆಗೆ ಕಪ್ಪು ಬಾವುಟ ಪ್ರದರ್ಶಿಸಿ, ತಲೆಗೆ ಕಪ್ಪುಪಟ್ಟಿ ಕಟ್ಟಿಕೊಂಡು ತಮ್ಮ ಆಕ್ರೋಶ ವ್ಯಕ್ತಪಡಿಸಿದರು. ತಾಲೂಕಿನಲ್ಲಿ ದಶಕಗಳಿಂದ ಬಾಧಿಸುತ್ತಿರುವ ಹಂದಿಗೋಡು ಕಾಯಿಲೆಗೆ ಈವರೆಗೆ ಪರಿಹಾರ ಕಂಡುಹಿಡಿಯುವ ಪ್ರಯತ್ನವನ್ನು ಸರಕಾರ ಮಾಡಿಲ್ಲ ಎಂದರು.

from India & World News in Kannada | VK Polls https://ift.tt/8tvo3S7