ಹೊಸ ದಿಲ್ಲಿ: ಭಾರತದ ಪತ್ರಕರ್ತರು, ದಲಿತ ಮುಖಂಡರು ಹಾಗೂ ಮಾನವಹಕ್ಕು ಕಾರ್ಯಕರ್ತರ ಸಂದೇಶಗಳನ್ನು ಇಸ್ರೇಲಿ ಮೂಲದ ಬೇಹುಗಾರರು ಮಾಡುತ್ತಿರುವ ವಿಚಾರ, ಇದೀಗ ಪ್ರತಿಪಕ್ಷಗಳ ಕೆಂಗಣ್ಣಿಗೆ ಗುರಿಯಾಗಿದೆ. ಅತ್ತ ಅಮೆರಿಕ ನ್ಯಾಯಾಲಯದಲ್ಲಿ ವಾಟ್ಸಪ್ ಸಂಸ್ಥೆ ಇಸ್ರೇಲಿ ಬೇಹುಗಾರರ ವಿರುದ್ಧ ಕೇಸ್ ದಾಖಲಿಸುತ್ತಿದ್ದಂತೆಯೇ, ಇತ್ತ ಭಾರತದಲ್ಲೂ ಸರ್ಕಾರದ ವಿರುದ್ಧ ಆಕ್ರೋಶ ವ್ಯಕ್ತವಾಗುತ್ತಿದೆ. ನಾಯಕ ರಾಹುಲ್ ಗಾಂಧಿ, ವಾಟ್ಸಪ್ ವಿವಾದವನ್ನು ರಫೇಲ್ ವಿವಾದಕ್ಕೆ ಹೋಲಿಸಿದ್ಧಾರೆ. ‘ಭಾರತದ ನಾಗರಿಕರ ಮೇಲೆ ಬೇಹುಗಾರಿಕೆ ನಡೆಸಲು ಯಾರು ಸಂಚು ರೂಪಿಸಿದರು ಎಂದು ಕೇಂದ್ರ ಸರ್ಕಾರ ವಾಟ್ಸಪ್ ಸಂಸ್ಥೆಯನ್ನು ಕೇಳುತ್ತಿದೆ, ಈ ಬೆಳವಣಿಗೆಯನ್ನು ನೋಡಿದ್ರೆ, ಭಾರತ ರಫೇಲ್ ಜೆಟ್ ಖರೀದಿ ವೇಳೆ ಯಾರು ದುಡ್ಡು ಮಾಡಿಕೊಂಡರು ಎಂದು ಡಸಾಲ್ಟ್ ಸಂಸ್ಥೆಯನ್ನು ಪ್ರಧಾನಿ ಮೋದಿ ಕೇಳಿದಂತಿದೆ’ ಎಂದು ಕುಟುಕಿದ್ದಾರೆ. ಪ್ರಧಾನಿ ಮೋದಿ ಸರ್ಕಾರವೇ ವಾಟ್ಸಪ್ ಕದ್ದಾಲಿಕೆಗೆ ಹೊಣೆ ಎಂದು ಆರೋಪಿಸಿರುವ ಕಾಂಗ್ರೆಸ್, ಸುಪ್ರೀಂ ಕೋರ್ಟ್ ಮೇಲುಸ್ತುವಾರಿಯಲ್ಲಿ ತನಿಖೆ ನಡೆಯಬೇಕೆಂದು ಆಗ್ರಹಿಸಿದ್ದಾರೆ. ಬಿಜೆಪಿ ಸರ್ಕಾರ ಜನತೆಯ ಖಾಸಗಿತನದ ಮೇಲೇ ದಾಳಿ ಮಾಡಿದೆ ಎಂದು ಕಿಡಿಕಾರಿರುವ ಕಾಂಗ್ರೆಸ್ ವಕ್ತಾರ ರಣದೀಪ್ ಸುರ್ಜೇವಾಲಾ, ಎಷ್ಟೋ ನ್ಯಾಯಾಧೀಶರು ಹಾಗೂ ರಾಜಕೀಯ ನಾಯಕರ ವಾಟ್ಸಪ್ ಸಂದೇಶಗಳ ಕದ್ದಾಲಿಕೆ ಆಗಿರಬಹುದು ಎಂದು ಶಂಕಿಸಿದ್ದಾರೆ. ಟ್ವಿಟ್ಟರ್ನಲ್ಲಂತೂ #WhatsAppSpywareRow ಎಂಬ ಹ್ಯಾಷ್ಟ್ಯಾಗ್ ಸಖತ್ ಟ್ರೆಂಡಿಂಗ್ ಆಗಿಬಿಟ್ಟಿದೆ. ನೆಟ್ಟಿಗರು ಹಾಸ್ಯದ ಹೊನಲನ್ನೇ ಹರಿಸುತ್ತಿದ್ದಾರೆ.
from India & World News in Kannada | VK Polls https://ift.tt/2PBxWEA
